戴袋攻略 - 安全套正確用法

安全套最重要的作用有兩種，就係避孕和防止性病傳播。如果唔正確咁使用安全套，除咗令懷孕機會大大增加外，仲會有機會得到性病，所以安全套係性行為之中不可或缺嘅其中一樣物品。但請緊記，戴咗後都唔可以保證 100% 唔懷孕同得到性病，只係會大大減低風險。正確咁戴上安全套好似係好簡單嘅事，但仍然仲係好多人唔識點戴安全套，「晴趣屋」特別整理咗圖文並茂嘅使用教程，希望幫到你啦。

第一步：睇使用期限及包裝！冇睇錯，安全套係會過期嘅。一般安全套的保質期由生產日期起計算3-5年左右。過咗保質期後，套內可能會因潤滑液慢慢揮發而令到表面乾燥容易破裂。另外，亦要睇清外包裝有冇損壞或破裂嘅痕跡。可能有人會將安全套放係銀包或褲袋裡面收藏，但咁樣安全套好大機會會同銀包及褲袋不停磨擦而容易破裂，所以千祈唔好將安全套放喺容易磨擦嘅地方。

第二步：小心打開包裝！正式埋牙前，可能會因為過於心急打開安全套，例如大力撕開；用牙咬；用指甲或其他利器等等，呢幾種方法都係好容易唔小心撕破埋安全套。正確做法係，開安全套前，要慢慢咁沿住邊角撕開包裝袋，再用手指輕輕將套拎出黎，記得拎出黎過程中唔好用指甲掂到。而近期有啲安全套嘅包裝盒係牛油盒設計，呢種牛油盒設計就冇咁易會撕裂到安全套。

第三步：分清正反面及將安全套擠出空氣！安全套的包裝紙外，一般都會印上正面及反面。要將正面的方向套係勃起咗嘅陰莖上，但如果唔小心將反面的安全套套咗喺陰莖時，記緊換上一個新的安全套，因為反面掂到陰莖時，陰莖上的液體有機會帶有精子，再戴上時，即係等於將精子白白送入陰道入面。上面提過，拎出黎時記得唔好用指甲，而係用手指拎住最頂端後，套落陰莖，擠壓頂端嘅空氣囊，令到頂部有位置儲存精液，而套落底時，係用手指輕輕咁將安全套捲起的位置慢慢展開，到最底根部就完成了。題外話，女生可能會幫男生用口戴安全套，牙齒都會有機會刮到安全套的，所以最好都係乖乖用手啦。

最後一步：結束後，檢查清楚安全套有冇破裂後再掉垃圾桶！當射精後，第一時間要將仲係勃起緊嘅陰莖抽出，以防陰莖軟咗後精液從安全套流出至陰道內。抽出後，將安全套的頂端打結，再檢查安全套有冇破裂，如冇的話請將打結後的安全套掉落垃圾桶。

好多人會以為射精前先需要戴上安全套。其實最佳的時機係插入陰道前就需要戴上，因為做前戲時，陰莖都會分泌液體出黎，液體內都會藏有少量精子，插入後及射精前先戴上，就等於完全失去咗安全套避孕及防止感染性病的功能。

使用多於一個的安全套： 唔好以為用安全套愈多愈好，如果用多於一個安全套，咁樣套同套的之間就會不停磨擦而容易穿。

沒有潤滑的情況下使用安全套： 當陰道內分泌物唔足夠時，強行進行活塞活動，就算戴咗超厚嘅安全套都會不停咁磨擦而容易穿，就好比鐵柱不停咁磨擦會變成針一樣。安全套愈薄愈容易穿呢個講法係普羅大眾最錯誤嘅諗法，事實上並唔係安全套太薄而穿，係因為潤滑程度唔夠先會穿。

用錯誤的潤滑液作輔助： 乜話？頭先唔係話用咗潤滑液就唔會穿咩？係啊，但只限使用水性或矽性潤滑液，如果使用油性潤滑液或凡士林等等嘅油性物質，係好容易整穿安全套。潤滑液有分為水性、油性及矽性潤滑液，以後會有篇幅再教大家點樣選擇適合嘅潤滑液，所以記住唔好用油性的物質去輔助安全套使用。

使用唔啱尺寸嘅安全套： 安全套其實都係有分尺寸的，但唔好以為就只有大中細碼咁簡單，一般黎講係睇陰莖的闊度，就好似我地「晴趣屋」賣緊的闊度由 47mm-69mm 咁，由加細至加加大碼的外國人尺寸都有。戴咗過份大或過份細尺寸的安全套都有機會因磨擦幅度過大而破損。想知自己係咩闊度？咁就要睇吓平時您用緊邊款安全套啦，再問問我地「晴趣屋」同事或下面留言比我地教您點睇啦。

其實，安全套的功能十分強大，但係安全套並唔係 100% 能避孕及防性病，只係將發生的機會大大降低，保護好自己保護好伴侶，咁先係叫愛對方。如果有任何想了解嘅性知識或遇到關於性方面嘅問題，都可以留言比我地架，「晴趣屋」會繼續分享不同的性知識，您地的支持就係我地創作嘅動力。