安全套邊隻好？消委會滿意指數出爐！杜蕾斯、岡本、相模16款值推薦

安全套邊隻好？呢可能係唔少男士經常問嘅問題，所以今次晴趣屋就搵嚟消委會早前嘅安全套質素調查報告睇睇，為大家詳細列出岡本 Okamoto、杜蕾斯 Durex 及相模 Sagami 呢 3 款牌子入面，邊 16 款產品獲得最高評分！想知邊款？立即睇文啦！

橡膠安全套邊隻好？16款消委會最滿意

消委會早前就抽查咗 30 款避孕套進行質素檢查，而喺橡膠作為材料嘅安全套入面，岡本、杜蕾斯同相模就有 16 款產品獲得最高嘅 5 星評分，詳列如下：

岡本 Okamoto 安全套推薦

• 岡本 0.03 冰薄（Okamoto 0.03 Cool）；

• 岡本 0.03 白金超薄（Okamoto 0.03 Platinum）；

• 岡本 0.03 貼身超薄（Okamoto 0.03 Real Fit）；

• 岡本持久裝（Okamoto Strong Long Lasting）；

• 岡本皇冠型 （Okamoto Crown）

杜蕾斯 Durex 避孕套推薦

• 杜蕾斯超薄緊貼裝衛生套（Durex Fetherlite Closefit Condoms）；

• 杜蕾斯倍滑至薄幻隱裝衛生套（Durex AIR Extra Smooth Condom）；

• 杜蕾斯超薄倍滑裝更薄型衛生套（Durex Elite Ultra Thin Condom Extra Lube）；

• 杜蕾斯雙保險裝衛生套（Durex Extra Safe Condoms）；

• 杜蕾斯超薄裝衛生套（Durex Fetherlite Condom）；

• 杜蕾斯活力裝衛生套（Durex Jeans Condom）；

• 杜蕾斯共享持久裝衛生套（Durex Performax Intense）；

• 杜蕾斯激情裝衛生套（Durex Together Condoms）

相模 Sagami Condom 推介

• 相模究極持久點點（Sagami Xtreme Feel Long）；

• 相模究極纖薄式（Sagami Xtreme Superthin）；

• 相模究極緊貼式（Sagami Xtreme Feel Fit）

安全套使用貼士

知道邊 16 款安全套獲得最高評分後，接住落嚟就分享吓購買同使用避孕套時，要注意嘅安全事項，咁就可以確保出入平安啦！

避孕套購買注意事項

• 買安全套嘅時候，要先睇吓產品有效使用日期去到幾時，跟住再睇吓包裝有無破損，或者曾經被人打開過；

• 避孕套有唔同 Size，買之前，應該上網睇吓相關產品嘅Size，係咪符合個人需要；

• 唔少 Condom 喺高溫之下，或者長期俾燈光照住，係會出現質地老化。所以買之前，要留意產品擺嘅位置，買之後亦盡量將佢哋放喺陰涼地方；

• 安全套拎到返屋企，盡量唔好放喺小朋友接觸到嘅位置，盡量唔好同油性嘅物質或者溶劑放埋一齊。

安全套使用時注意事項

• 唔少人做愛，可能會用到外用藥物。建議有關人士搽哩類藥物之前，問清楚醫生，呢類外用藥物搽咗喺陰莖之後，仲可唔可以戴套；

• 性交過程，如果會用安全套同潤滑劑，咁哩類潤滑劑就只可以係水溶性質地；

• 避孕套應該喺陰莖勃起之後，未接觸性伴侶身體前戴上；

• 如果發現安全套包裝有破損，建議即時棄用，用包新嘅；

• 盡量唔好用利器打開避孕套嘅包裝，例如係刀或鉸剪，以免整穿個 Condom，影響安全套避孕功能；

• 戴安全套前，應該用手指撳一撳安全套頂端，令空氣排出；

• 戴避孕套嘅方法係將套套上龜頭後，再將原本捲起嘅安全套拉低。過程要留意自己嘅指甲，唔好整穿安全套；

• 性交過程，如果覺得安全套太鬆或太緊，就應該停一停，望一望，以防安全套鬆脫或破損，影響避孕效果；

• 射精之後，應該立即將陰莖連同安全套拔出。倘若陽具喺女性陰道內變軟，就有機會令安全套入面嘅精液漏出，增加懷孕風險。

Condom 使用後處理需知

使用過嘅避孕套，應該用紙巾或者係膠袋包好，再放入垃圾筒。

睇完呢篇分享，係咪對避孕套有更多了解？而喺上面嘅消委會推介中，晴趣屋就有售日本版岡本 0.03 真貼身10片裝及日本版岡本 0.03 12片裝（白金超薄系列）。有興趣？立即去網站望一望啦！買完仲可以送到你指定嘅收貨地點，私隱度高，絕對唔尷尬！